Бино ба иттилои Кумитаи кор бо ҷавонон ва варзиши назди Ҳукумати Ҷумҳурии Тоҷикистон 10–11 феврали соли 2026 дар шаҳри Душанбе Чемпионати Тоҷикистон оид ба гӯштингирӣ баргузор мешавад
Мусобиқа дар Маҷмааи варзишии Донишгоҳи миллии Тоҷикистон доир гардида, дар он беҳтарин паҳлавонони мамлакат аз минтақаҳои гуногун иштирок менамоянд. Дар ин чемпионат паҳлавонон барои дарёфти унвони қаҳрамонӣ ва роҳхат ба мусобиқаҳои сатҳи байналмилалӣ бо ҳам рақобат хоҳанд кард.
Ёдовар мешавем, ки ғолибони мусобиқа ҳуқуқ пайдо мекунанд, ки тирамоҳи соли равон дар Чемпионати ҷаҳон оид ба гӯштингирӣ иштирок намоянд.
Ҳамзамон иттилоъ дода шуд, ки бо мақсади рушди гӯштингирӣ байни наврасон ва кашфи истеъдодҳои ҷавон 12–13 феврали соли 2026 дар ҳамин маҷмааи варзишӣ мусобиқаи ҷумҳуриявӣ байни наврасон баргузор мегардад.
Ёдовар бояд шуд, ки баргузории чунин мусобиқаҳо дар муаррифии таъриху фарҳанг ва рушди соҳаи сайёҳӣ заминаи мусоид хоҳад гузошт.
