Дар Федератсияи иттифоқҳои касабаи мустақили Тоҷикистон вобаста ба қарори Ҳукумати Ҷумҳурии Тоҷикистон аз 26 феврали соли 2026 «Дар бораи ташкили истироҳати тобистонаи кӯдакон ва наврасон дар соли 2026» ҷаласа баргузор гардид.
Дар ҷаласа роҳбарият ва кормандони федератсия, намояндагони шаҳру ноҳияҳои кишвар ва дигар масъулон иштирок намуданд. Таъкид гардид, ки барои иҷрои қарори мазкур андешидани тамоми тадбирҳои зарурӣ ҳатмӣ мебошад. Аз ҷумла, тибқи нақша то 1 июн сохторҳои масъул бояд корҳои сохтмонӣ ва таъмириро ба анҷом расонида, лагерҳои шаҳрӣ, варзишӣ ва солимгардониро бо биноҳо, майдончаҳои варзишӣ ва ҳавзҳо пурра муҷаҳҳаз намоянд.
Ҳамзамон зикр шуд, ки федератсия вазифадор аст роҳхатҳоро барои гурӯҳҳои гуногуни кӯдакон, аз ҷумла ятимон, кӯдакони аз оилаҳои камбизоат, кӯдакони болаёқат ва фарзандони кормандони соҳаҳои гуногун таъмин намояд. Роҳхатҳо инчунин ба кӯдакони мактаб-интернатҳо дода мешаванд.
Илова бар ин, масъулони Вазорати маориф ва илми Ҷумҳурии Тоҷикистон вазифадор гардиданд, ки роҳбарии методӣ, ташкили чорабиниҳои таълимӣ ва тарбиявӣ ва таъмин намудани лагерҳо бо кадрҳои баландихтисоси педагогиро ба роҳ монанд.
