Имрӯз бо ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон бахшида ба 27-умин солгарди Рӯзи Ваҳдати миллӣ дар Осорхонаи миллии Тоҷикистон намоиш ва Конфронси ҷумҳуриявӣ таҳти унвони «Пешвои миллат – мунодии асили ваҳдат» доир гардид, иттилоъ медиҳад, хабарнигори АМИТ «Ховар».
Дар намоиш аз фонди Осорхонаи миллӣ аксу мусавварраҳо, китобҳо ва нигораҳо аз раванди музокирот ва расидан ба сулҳу салоҳ ва ваҳдат дар Тоҷикистон ба маърази тамошо гузошта шуданд, ки таҷассумгари ваҳдатофаринӣ ва таҷрибаи сулҳофарии мардум тоҷик мебошанд. Ваҳдат омили асосии сарҷамъии миллат буда, нигораҳои дар намоиш гузошташуда, баёнгари сарҷамъии миллати тоҷик дар даврони Истиқлоли давлатӣ аст.
Дар доираи намоиши аксу мусаввараҳо, китобҳо ва нигораҳо аз раванди музокироти сулҳи тоҷикон, Конфронси ҷумҳуриявии «Пешвои миллат –мунодии асили ваҳдат» доир гардид, ки дар он намояндагони Кумитаи иҷроияи Ҳаракати ваҳати миллӣ ва эҳёи Тоҷикистон, Шурои куҳансолони Кумитаи иҷроияи Ҳаракати ваҳати миллӣ ва эҳёи Тоҷикистон, Шурои собиқадорони ҷангу меҳнати Ҷумҳурии Тоҷикистон, олимону муҳаққиқон иштирок намуда, доир ба роҳҳои расидан ба сулҳу салоҳ, ваҳдати миллӣ, саҳми Пешвои миллат муҳтарам Эмомалӣ Раҳмон дар таҳкими сулҳу ваҳдат ва сарҷамъ намудани миллат ибрози назар намуданд.
Таъкид гардид, ки ваҳдати миллӣ ҳамчун падидаи нодири даврони соҳибистиқлолии мамлакат барои сарҷамъ намудани миллати дар ҳоли парокандашавӣ қарордоштаи тоҷик нақши басо бузург иҷро намудааст.
АКС: АМИТ «Ховар»
