Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо муовини Вазири саноат, маъдан ва тиҷорати Ҷумҳурии Исломии Эрон Маҳдии Зайғамӣ мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни вохӯрӣ масъалаҳои тақвияти ҳамкорӣ байни вазоратҳои саноати ду мамлакат, аз ҷумла иштироки ҳайати Тоҷикистон дар намоишгоҳи IRAN EXPO-2024 (27-29 апрели соли 2024) ва масоили дигари мавриди эҳтимоми тарафҳо баррасӣ гардиданд.
АКС: Вазорати корҳои хориҷии Ҷумҳурии Тоҷикистон
