Санаҳои 10,11 ва 12 – уми октябри соли 2024 дар Маркази намоишии Экспо–Душанбе, намоишгоҳи байналмилалии сохтмонии “TajBuild” доир мешавад.
Зимни баргузрии нишасти матбуотӣ бо рӯзноманигорон масъулин иброз намуданд, ки яке аз ҳадафҳои асосии баргузории намоишгоҳи мазкур ҳамкориҳои нав ва дастгирии бевоситаи корӣ дар соҳаи савдо миёни ширкатҳои бонуфузи хориҷӣ ва маҳаллӣ ба ҳисоб меравад.
Дар намоишгоҳи имсола зиёда аз 57 ширкатҳои ватаниву хориҷӣ бо намояндагӣ аз маҳсулоти худ иштирок менамоянд. Ин намоишгоҳ соли сеюм аст, ки дар Душанбе баргузор мешавад ва иштироки ширкатҳои сохтмонӣ аз кишварҳои Федератсияи Руссия, Ҷумҳурии Қазоқистон, Ҷумҳурии Ўзбекистон, Ҷумҳурии Туркия, Ҷумҳурии халқии Хитой ва Ҷумҳурии исломии Эрон дар назар аст.
Саддам Давлатзода
