Сафари давлатии Президенти Туркманистон дар Ҷумҳурии Тоҷикистон ба анҷом расид

Нимаи дуюми 11 май, пас аз анҷоми сафари бобарори давлатӣ ба Ҷумҳурии Тоҷикистон Президенти Туркманистон муҳтарам Сердар Бердимуҳамедов аз шаҳри Душанбе ба Ватан баргаштанд, хабар медиҳад АМИТ «Ховар».

Дар фурудгоҳи байналмилалии Душанбе меҳмони олимақом — Президенти Туркманистон муҳтарам Сердар Бердимуҳамедовро Сарвазири Ҷумҳурии Тоҷикистон Қоҳир Расулзода ва дигар шахсони расмӣ бо нишони эҳтирому самимияти зиёд гусел намуданд.

Ёдовар мешавем, ки сафари давлатии Президенти Туркманистон ба Ҷумҳурии Тоҷикистон рӯзҳои 10 ва 11 май идома ёфт. Зимни ин сафар мулоқоти сарони давлатҳо ва ҳайатҳои расмии ду давлат баргузор гардида, аз рӯйи натиҷаҳои он 24 санади нави ҳамкорӣ ба имзо расид.

АКС: АМИТ «Ховар»