Дар Остона нишасти вазирони корҳои хориҷии Осиёи Марказӣ ва Штатҳои Муттаҳидаи Америка баргузор гардид

28 феврал дар шаҳри Остона нишасти вазирони корҳои хориҷии давлатҳои Осиёи Марказӣ ва Штатҳои Муттаҳидаи Америка дар қолаби «С5+1» баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Дар ҳамоиш ҷонибҳо роҷеъ ба масъалаҳои умдаи рӯзномаи ҷаҳонӣ ва минтақавӣ, аз ҷумла вазъ дар Афғонистон, мубориза бо терроризму ифротгароӣ ва дигар таҳдиду чолишҳои амниятӣ табодули афкор карда, дар ин росто ба зарурати тақвияти ҳамкорӣ байни давлатҳои минтақа таъкид карданд.

Дар нишасти мазкур Вазири корҳои хориҷии Ҷумҳурии Тоҷикистон Сироҷиддин Муҳриддин иштирок ва суханронӣ намуд.

АКС: Вазорати корҳои хориҷии Ҷумҳурии Тоҷикистон